Bildiyiniz kimi blogda pul qazanmaq üçün reklam etməkdən başqa çarə yoxdur. Yəni ‎siz gərək blogunuzda reklam yerləşdirəsız və o reklamın sahiblərindən reklam ‎etdiyiniz üçün pul alasınız.

Amma sizcə bir blogun ki, gündə 50 – 200 nəfər ‎ziyarətçisi olur, bir şəxs gəlib belə bir səhifədə reklam verərmi? Reklam sifariş verən ‎şəxs istəyər ki, onun reklamı çox ziyarətçisi olan saytlarda mövcud olsun və o ‎saytların vasitəsiylə öz saytına çoxlu ziyarətçi axını olsun. Nəticə etibariylə az ‎ziyarətçi olan blogun reklamçılar tərəfindən cəlb olunması mümkün deyil.

Bəs bu cür olduğu təqdirdə nə etməliyik? Necə edək ki, pul qazana bilək?‎
 

Bunun iki yolu vardır ki, onu da sizlərə açıqlayacağıq:‎

‎1-‎    Çalişin blogunuzun çoxlu ziyarətçisi olsun. Necə? Blogunuzda çoxlu dəyərli ‎mətləblər, məqalələr, materiallardan istifadə edin, blogunuzda gözəl şəkillər ‎yerləşdirin və ziyarətçiləri cəzb edən movzulardan bəhs edin. Bu barədə bu ‎məqaləni oxuya bilərsiniz.‎

Əgər blogunuzda çoxlu saytda ziyarətçi olsa mütləq sizə blogda reklam ‎yerləşdirmək üçün sifarişlər olacaq. Əgər bilmək istəyirsiniz Azərbaycan internet ‎məkanında bu cür bloglar var, ya yox, əlbəttə ki, var. Azərbaycanda neçə məşhur ‎blogcu öz bloglarında reklam vasitəsiylə pul qazanırlar. Misal üçün: az-maz.com , ‎baku.ws, mix.az , Joy.az və s.

Deyə bilərsiniz ki, bunlar blog deyillər, saytdırlar! Amma  ‎onu da xatırladaq ki, bunlar blogdurlar, çunku blog kimi yazar və yazarlar ‎vasitəsiylə  gündə ya neçə gündən bir yeni yazılar, materiallar dərc olunur. Və siz ‎də öz blogunuzda eyni işi görə bilərsiniz. Sizin blog AzeriBlog sistemi tərəfindən ‎dəstəklənir, onlarda isə başqa sistemlərlə. Sizin blog olarınkına baxanda sizə heç ‎bir əlavə xərci yoxdur və siz limitsiz surətdə “AzeriBlog”un host və trafik ‎imkanlarından istifadə edirsiz amma onlar bunun üçün əlavə pul ödəməlidirlər.‎

‎2-‎    İkinci yol ilk dəfə blog yaradan və blogla məşğul olanlar üçün bir az qəliz ola ‎bilər. Amma onu qeyd edək ki, həvəsi və səbri olanlar üçün çox rahat və gəlirli ‎mənbədir. İndi dünyanın bir çox blogları və saytları Google şirkətinin reklam ‎sisteminin (Google Adsense) vasitəsiylə çoxlu pul qazanırlar. Siz də altında ‎‎“Google reklamları” yazılan bir neçə mətn və ya şəkillərin çoxlu sayt və ‎bloglarda mövcud olduğunun şahidi olmusunuz. O reklamları həmin sayt ‎sahibləri ya blogcular yerləşdirib və bu vasitəylə günlük gəlir əldə edirlər. ‎Təbii ki, bu zaman da ziyarətçilərin çoxluğu əsas amillərdən sayılır və ‎reklamların üzərinə vuraraq pul qazanılır. Amma necə?‎

Google saytı indi dünyada ən böyük internet şirkətidir və müxtəlif internet ‎imkanlarından istifadə etməyə şərait yaradıb. İnternet istifadəçiləri Google ‎vasitəsiylə milyon dollar pul əldə edirlər. Və bu qazancın çox faizini müştərilərin ‎reklamlarından istifadə edərək əldə edirlər. Bunun üçün Google Adsense ‎saytından istifadə etmək zəruridir.

Adsense.google.com saytından üzv olub, ordakı ‎qaydalarla tanış olmağınız və istifadə etməyiniz məqsədəuyğundur. Qeyd edək ki, ‎saytın türkcə və rus dilində versiyaları da mövcuddur ki, bu da sizlər üçün daha ‎rahat şərait yaradar. Qeydiyyatdan keçdikdən sonra Google adsensedə olan kodları ‎öz blogunuzun dizaynına uyğun şəkildə tərtib edib, blog saytınızda nümayiş etdirə ‎bilərsiniz. Və bu vasitəylə Google reklamlarından gündəlik gəlir əldə etmə imkanı ‎qazanarsınız. Google Adsense barədə geniş mövzunu başqa məqalədə siz əziz ‎oxucularımızla paylaşacağıq.‎

Bunu da bilin ki, yuxarıda qeyd etdiyimiz sistem vasitəsiylə dünyada ayda ‎minlərcə dollar pul qazanan çoxlu internet istifadəçiləri var və siz də onlardan geri ‎qalmayıb AzeriBlog vasitəsiylə bunu reallaşdıra bilərsiniz. AzeriBlog Azərbaycan ‎internetinin inkişafı naminə öz istifadəçilərini internetdən pul qazanmağa dəvət ‎edir.‎