Blog internet məkanında artıq neçə illərdir ki, istifadə olunan və günümüz ‎virtual məkanında məşhur olan internet vasitələrindən biridir. Blog haqqında ‎çox geniş məqalələr və saytlar yaradılıb. Biz bu məqalələrin bir neçəsini ‎sizlərlə paylaşmışıq. Bu dəfəki məqaləmiz ana dilimizə həsr olunacaq.‎
Blog internet istifadəçilərinə səslənmək və fikir düşüncələrimizi çatdırmaq ‎sistemidirsə, bu sistemi icra edən mexanizm birmənalı şəkildə dildir. Hər ‎blogcu özünün tərzinə və savadına uyğun olaraq ana dilindən istifadə edir. ‎Bloglarda əsasən sadə dildə, hamının anlayacağı dildə yazmaq dəbdədir.‎

Bir milləti millət edən, onu ucaldan ən ümdə vasitə o millətin dilidir. Əgər bir ‎millət öz ana dilinə qiymət, dəyər vermirsə ölümə məhkumdur. Çox əfsus ki, ‎internet məkanımızda Azərbaycan dilinə verilən dəyər çox aşağı səviyyədədir. ‎Bu səviyyəni ucaltmaq, yüksəltmək isə biz internet istifadəçilərinin vəzifəsi ‎olmalıdır. Bu niyyətdən önə çıxaraq çalışıb ana dilimizdə olan saytların, ‎məlumatların, materialların sayını artırmalıyıq. Elə bizim bu blog saytımızın ‎məqsədi də Azərbaycan internet məkanında Azərbaycan dilinin inkişafına ‎təkan verməkdən ibarətdir. Misal olaraq blog saytları arasında ingilis dili, rus ‎dili, alman dili məşhurkən fars dilli bloglar 4-cü yerdədir. Bu onu göstərir ki, ‎farsca yazılan blogların sayı çoxdur və bu da onlarların öz dillərinin hesabına ‎dünyada bloglar üzrə 4-cü yerdə olmalarına şərait yaradıb. ‎(Şəkil mənbə: Azerphoto.com)

Bizlər də ana dilimizə hörmətlə yanaşıb, yazılarımızda, məqalələrimizdə bu ‎hörməti gözləsək internetdə dilimizin inkişafına böyük bir dəstək olacaqdır. ‎Ana dilimizin yüksəlməsi və inkişafında əl-ələ verib bunu gerçəkləşdirək və ‎AzeriBlog olaraq üzərimizə düşən vəzifəni yerinə yetirək! Biz sizlərə inanırıq.‎